EUGANEI

EUGANEI

pop. ad intimum maris Hadriatici sinum, Alpes versus, qui deinde a Troianis, et Henetis, qui, Antenore duce, in eam Italiae partem venêrunt, sedibus suis pulsi, Alpes Graias tenuêrunt. Dicti autem sunt Euganei ὐπὸ τῶς εὐγευείας, h. e. a generis nobilitate, ut quidam volunt. Plin. l. 5. c. 20. Sil. Ital. Punic. Bell. l. 8. v. 604.

Tum Troiana manus tellure antiquitus orti

Euganeâ, profugique sacris Antenoris oris.

Sidon. Apollinar. in. Carm. 2. de Livii Patavini Historiis loquens:

---- Vel quicquid in aevum

Mittunt Euganeis Patavina volumina chartis.

Mart. l. 4. Epigr. 25. Cuius Epigraphe de littoribus Altini v. 3.

Quaeque Antenoreo Dryadum pulcherrima Fauno

Nupsit, ad Euganeos sola puella lacus.

sil. Ital. iterum. l. 12. de. Pediano, Punic. Bell. v. 214. et seqq.

---- Antenoreâ sese de stirpe ferebat

Haud levior generis famâ, sacroque Timavo

Gloria, et Euganeis dilectum nomen in oris.

Huic pater Eridanus, Venetaeque ex ordine gentes

Atque Apono gaudens populus, seu bella cieret,

Seu Musas placidus doctaeque silentia vitae

Mallet, et Aonios plectro mulcere labores,

Non ullum dixere parem.

Lucan. l. 7. Civ. Bell. v. 192. et seqq.

Euganeo, fi vera fides memorantibus, augur

Colle sedens, Aponus terris ubi fumiser exit,

Atque Antenorei dispergitur unda Timavi.

Iuv. l. 3. Sat. 8. v. 15.

---- Euganeâ quantumvis mollior agnâ.

Hodie eorum regio Marca Trevisana dicitur. Nic. Lloydius. Vide Cluv. Ital. Antiqq. l. 1. c. 15. et l. 3. Introd. Geogr. Baudr. pop. Galliae Transpad. in Italia, ubi nunc agri Bergomensis, et Brixiensis, inter lacus Larium, et Benacum; ad Austr. Cenomanos habebant ex Briet. Aliis tamen fuêrunt versus Athesin fluv. et Vicentiam.